یول چکن گؤزلرینین اوجقاریناجان
قاسیرغالی بیر هاوادا
سئوگی دن آیری
چیرپینیر اوره یی...
قاییدیر گؤزونون ایشیغی
یاشاما یاراشیغی.
آغلاماغی بیته جک
گؤز یاشلاری ایته جک...
گودور گؤروشو
قوجاقلاماغی
ایستی اؤپوشو.
بیلمه ییر آنجاق
بیتیریب آغلاماغی!
دئییشیب یاتاغی
قیزیشیب قوجاغی...
قیزیشیب قوجاغی
قورشونلارلا عسگرینین...
باشین ساغ اولسون آنا...
"پاشا موغانلی"
قیزمایاجاق او یاتاق!
سن
ایسته مه دین بوی آتاق...!
داها خوشدور
حایات سنسیز
ها
یات منسیز...
"پاشا موغانلی"
بو پاپاق
بو سن
بودا من!
گل دوز اولاق بو
گوندن.
سن الیندن یاپیش
من اوره ییمدن...
پاشا موغانلی
احتیاط ایگیدین یاراشیقیدیر-
چوخدور بو دونیانین تله سی قارداش،
اینا نکی اویونبا ز اوغرو یول کسن-
یامان چوخالیبدیر ائله سی قارداش،
چوخلاری دانیشیر یورولمور انگی،
قوزو . جاناوارا باسیــــــر اوزنگی،
سینه سینه دویه ن شیری پلنگی،
آلدادیر چوللرین ده له سی قارداش.
تولکو سورو چکیب داغا . آپاریر،
دوه نی خیخیردیب باغا . آپاریر،
نوکرین موزدونو آغا . آپاریر،
آرتیر یازیقلارین شله سی قارداش.
دورنا قاناد چالیر بولاغا چاتمیر،
آت دورد نالا قاچیر اولاغا چاتمیر،
ائله قیشقیریرسان قولاغا چاتمیر،
(موغان اوغلو)یانیر بئله سی قارداش.
...............................................
((tələsi qardaş
Ehtiyat . igidin . yaraşiqidir-
Çoxdur.budünyanin tələsi qardaş.
Inanki oyunbaz . oğru.yol kəsən-
Yaman çoxalibdir eləsi qardaş.
Çoxlari danişir yorulmur .əngi.
Quzu canavara basir . üzəngi.
Sinə sinə döyən . şiri pələngi-
Aldadir çollərin dələsi qardaş.
Tülkü suru çəkib dağa .aparir.
Dəvəni xixirdib bağa .aparir.
Nökərin muzdunu ağa .aparir-
Artir yaziqlarin şələsi qardaş.
Durna qanad çalir bulağa.Çatmir.
At .dörd nala qaçir ulağa .çatmir.
Elə . qişqirirsan qulağa. çatmir-
(muğanoğlu) yanir beləsi qardaş.
قایناق شاعیرین اؤز وبلاگی http://muqhanoqhlo.blogfa.com/
"جاوان اولسایدیم اگر"
منده دیللرده اولاردیم جاوان اولسایدیم اگر
دایما بورس دا قالاردیم جاوان اولسایدیم اگر
بنزه دردیم باشیمی هوروکلو قیزلار ساچینا
ساققالی گونده یولاردیم جاوان اولسایدیم اگر
دار بولوز یاماخلی شالواری تاخاردیم بدنه
کوچه ده فیشقا چالاردیم جاوان اولسایدیم اگر
باغلیاردیم قولوما زنجیری آفریقالی تک
قولاغا حلقه سالاردیم جاوان اولسایدیم اگر
آلدیراردم قاشیمی نشانلی قیزلار سایاغی
خیاباندا دولاناردیم جاوان اولسایدیم اگر
ائوده یارانه آلاندا نئجه غوغا یارادیب
تئز قاچیب شارژ آلاردیم جاوان اولسایدیم اگر
اس ام اس یوللیاراق قیزلارین ایرانسلینه
گوروشه چاره قیلاردیم جاوان اولسایدیم اگر
درسه خاطر بو گوزل عمرو هدر وئرمزیدیم
پول وئریب مدرک آلاردیم جاوان اولسایدیم اگر
حامیا بللی دی قارداش ساوادین یوخ دیری
پارت تاپیب لاپ اوجالاردیم جاوان اولسایدیم اگر
دوستلاریملا ییغیشب گونده ایچردیم چاخیری
مست اولوب خالقی دولاردیم جاوان اولسایدیم اگر
باش قیزاندا ایتیرردیم اودم انسانلیغیمی
وئریب آغیز آغیزا اولاردیم جاوان اولسایدیم اگر
گیجه لیب قی ائلیردیم مزه نی همیده میی
یادا ..................... بولاردم جاوان اولسایدیم اگر
کوچه لردن کچن آنلاردا توتولمازدیم ایته
بلکه هورجک پاچالاردیم جاوان اولسایدیم اگر
ییخماغا قویمازیدیم قامتی عمرون کولگی
اییلرکن هاچالاردیم جاوان اولسایدیم اگر
عارین عارسیز یاشایاردیم بو گوزل دونیاده
سانما بیرده قوجالاردیم جاوان اولسایدیم اگر
قایناق: شاعیرین اؤز وبلاگی http://arabli.arzublog.com/