-الاندا موعللیم لیک پئشه سیله مشغولدور.
-الاندا موعللیم لیک پئشه سیله مشغولدور.
بو دوٍنیانین کؤرپوسوندن گلن کئچیر بیر به بیر
عارف اولان یاخشی- پیسی گؤرور، سئچیر بیر به بیر
گوٍجو اولان، واری اولان سینه سینه دؤیمه سین
دوٍنیاگیرلر اجل جامین آلیب ایچیر بیر به بیر
ملک الموت یارانانین جانین بیر گوٍن آلاجاق
فلک اؤزو ظولوموکاری ظولم آتیندان سالاجاق
هر اینساندان بیر یاخشیلیق، بیر یامانلیق قالاجاق
بورا بیر کاروان سارادیر چاتان کؤچور بیر به بیر
اینسان اولان اَیری یولو گئدیب اؤزون یورماسین
ظالیملره آرخا اولوب مظلوملاری وورماسین
(موغان اوغلو)، بشر گرَک ظوٍلمه بنا قورماسین
ظولم الیله تیکیلنلر اؤزو اوچور بیر به بیر
>>>>>>>>>><<<<<<<<<<<
bir bə bir
bu düvٍnyanın körpüsündən gələn keçir bir bə bir
arif olan yaxşı - pisi görür , seçir bir bə bir
gücu olan , varı olan sinəsinə döyməsin
cahangırlər əcəl camın alıb ıçır bir bə bir
məlkəlmot yarananın canın bir güٍn alacaq
fəlk özü zulumkarı zülm atından salacaq
hər ınsandan bir yaxşılıq , bir yamanlıq qalacaq
bura bir karvansaradır çatan köçür bir bə bir
ınsan olan əyri yolu gedib özün yurmasın
zalimlara arxa olub məzlumları vurmasın
( muğan oğlu ) bəşər gərək zülmə bəna qurmasın
zülm əlilə tikilənlər özü uçur bir bə bir
قایناق شاعیرین اؤز وبلاگی http://muqhanoqhlo.blogfa.com/
تانینان شاعیر
بختیار علی مرادی
1340جی ایلده
موغان بؤلگه سی نین
پارساآباد شهری نین
فیروزآبادکندینده
دونیایا گؤز آچدی
اوتوز ایلدن ارتیق
یارادیجیلیغیندا
1361_1362_1381 جی
ایللرده
آی ساوالان عنوانلی
اوچ اثری ایشیق اوزو گؤروب.
ایکی اثریده (شاعیراؤرییم) و
(عؤمرومون آغاجیندان بیر یارپاق) 1393ده یاییلدی.
بیر نئچه اثریده چاپ اولماغا
حاضیرلانیر.
ازه لینده ن
کوکسومده
ده رین بیر ایسته ک
آلولو مشعل کیمی
یاشادئر منی
کونلومه سارئلمئش
ندیر بو آتش
کده رمی؟
سئوینج می؟
دویا بیلمیره م
گولوره م، گولومسه میرده
آغلایئرام، آغلامسامئردا
سئویره م ،،سئویله بیلمیر
سئومیره م،دارئخئربو خیال
منی منلیگیمده ن
آلئب بو سئوال
ندیر بو وارلئق؟
یانار بو دویغو؟
توکنمر،سونسوز
عمرومون بویو
دیله ییر منی، هی دولاندئرا
یاندئرا ابدی
بیر اوجاق کیمی،آلولاندئرا
بلکه ده یانارکن
ایشیقلار ساچام
قاپالی یوللارئن
قاپئسئن آچام
دوشونجه کیمی ، بیله جک کیمی ، قاناجاق کیمی.
قایناق شاعیرین اؤز وبلاگی: http://chichak.blogfa.com/
بو بایرام آخشامئ
تلفـنوم
سسله نرکن
دوشوندوم
تبریک لرسویله نه جکدیر
آنجاق سن
گیلئیلنه، گیلئیلنه
شیکا یته دولدون
مین اوزلو فلگین
سون یازئسئندان
او، سنین
ایچگین سئوگینه
آلئشمادان
کوهنه ایلنه ن یئنی ایل
آیرئمئندا
آتمئش سنی
بو زامان دارلئغئندا
کده رلره قاتمئش سنی
سه سین،
بوداعئندان ا وزولموش
یارپاخلار کیمی، تیتره دی
اوره یین،
سئنئق تار کیمی سئزلادئ
آغلامسادئن،
داها محببه تین
اینسانلارآرا، یوخموش آنلامئ
ائله بیل داش اوره کله
یاشایئر هامئ!!!
اوزولمه جانئم
دویمامئش
پروانه سیز یانان شامئ
بودور فلگین
حوکمو ازه لده ن
چاتا بیلدیمی
مجنون لیلییه؟
کره م اصلییه؟
فرهاد شیرینه؟
باخ، بیز دئییلیک
حوکمو دوزه لده ن
بو دونیادا
هئچ نه قالارغئ دئییل
سئومکده، سئویلمکده
بو آجئ دوغرولوق بیزیمکیدیر
اونونلا یاشایئرئق بیر به بیر
سنده دوشون
سئوگیله ر یارانئر
آیرئلماق اوچون
آیرئلئق یاشانئر
یانماق اوچون.
قایناق شاعیرین اؤز وبلاگی http://chichak.blogfa.com/