-1346.
-پارسآباد شهرینین تازه کند کندینده دوغولدو.
-تبریزین بیلیم یوردوندا حرفه و فن بیتیریب.
-بو چاغ پارسآباددا یاشاییر.
- موعللیم لیک پئشه سیله مشغولدور.
(...)
چاتلاق دوداغلارینین
چاتلاغلارینی
هر دفه
اؤپنده یاغیش داملاسی
عطرینی دویورام
غم یئللرینده ن
اللریم قانداللی
دیلیم سه سوسقون
اؤپوشلر دوداغیمدان
آسیلی قالیر.
**********************************************
آختار
سئوگیلیم ایسته سن تاپاسان منی
قلبینین کؤزه ره ن کؤزونده آختار
گزمه آیریلیغین یاماجین یالین
سونسوز محببتین دوزونده آختار
قوینونا آلاندا گوللر شبنمی
کپنک عشقیله اؤپنده شمی
عاشیقله معشوقون قوووشان دمی
سئوگیده ن دوغولان سؤزونده آختار
نیسگیللی سسینده حزین بولبولون
بوداغی اییلمیش سینان بیر گولون
یاغیش حسرتیله سولان سونبولون
سارالان رنگینده اوزونده آختار
لاله تک اوره گین اولسادا آلقان
اییلمه هیجرانا سینما هئچ زامان
اینامین گؤیونده گونش تک یانان
اومودون پارلایان ایزینده آختار
ماوی گؤزلرینده بوغولان کَسَم
قلبینده عشقیله سسله نن سَسَم
یانیلماز "سیرداشین "اؤزونم دئسم
اؤزونو سئوگیلیم اؤزونده آختار
شاعیر...
یوغرولور ایسته یین گؤز یاشلاریلا
حاققین ، عدالتین کولیله شاعیر
وطن توپراغیندان قیدالاناراق
دوغولور زامانین اَلیله شاعیر
دیلینده گول آچیر خالقینین سؤزو
ائلین حاخ دیلیدیر دوز گؤره ن گؤزو
ائل اونون اؤزودور او ائلین اؤزو
یوکسه لیر زیروه یه ائلیله شاعیر
ظولمتده ن ایشیغا هر بیر سؤزجوکو
یول چکیر چیینینده دونیانین یوکو
کؤکله نیر کؤکویله کؤنلونون کؤکو
هؤنکورور هارایین زیلیله شاعیرچاغلایان دنیزدیر درینده ن درین
دوم دورو بولاقدیر سرینده ن سرین
زهرده ن آجیدیر بالداندا شیرین
یاشاییر شعرینین دیلیله شاعیر
********************************************************************
şair
yoğrulur istəyin göz yaşlarila
haqqin ədalətin külilə şair
vətan toprağindan qidalanaraq
doğulur zamanin əlilə şair
dilində gül açir xalqinin sözü
elin hax dilidir düz görən gözü
el onun özüdür o elin özü
yüksəlir zirvəyə elilə şair
zülmətdən işiğa hər bir sözcükü
yol çəkir çiynində dünyanin yükü
köklənir köküylə könlünün kökü
hönkürür harayin zililə şair
çağlayan dənizdir dərindən dərin
dum duru bulaqdir sərindən sərin
zəhərdən acidir baldanda şirin
yaşayir şerinin dililə şair
elin hax dilidir düz görən gözü
el onun özüdür o elin özü
yüksəlir zirvəyə elilə şair
zülmətdən işiğa hər bir sözcükü
yol çəkir çiynində dünyanin yükü
köklənir köküylə könlünün kökü
hönkürür harayin zililə şair
çağlayan dənizdir dərindən dərin
dum duru bulaqdir sərindən sərin
zəhərdən acidir baldanda şirin
yaşayir şerinin dililə şair
قایناق: sirdash.arzublog.com
سئویرم...
ازلدن وورغونام بوتون دوغرویا
اَیریده بیردنه قاشی سئویرم
ایچی بوش بئیینلر نییمه گرک
درین دوشونجه لی باشی سئویرم
کور آتی مین کؤنده له نه چاپ گؤرک
نه یه لازیم کارا گلمز مین دیلک
واخت سیز درمان یئرسیز دوعا نه گرک
یئرلی اولان دوز قارغیشی سئویرم
زَحلَم گئدیر بوش وعده دن قراردان
حیاسیز اینساندان وفاسیزیاردان
کاریما گلمه یه ن دولتده ن واردان
دردیمه یاری یان داشی سئویرم
آزغینچی دان ((سیرداش)) آغلی دایازدان
ایلی بد گتیرمیش سارالمیش یازدان
قاشقاباغین توکموش سویوق پاییزدان
هر دن گولومسه یه ن قیشی سئویرم
*******************************
...sevirəm
əzəldən vurğunam bütün doğruya
əyridə birdənə qaşi sevirəm
içi boş beyinlər nəyimə gərək
dərin düşüncəli başi sevirəm
kor ati min köndələnə çap görək
nəyə lazim kara gəlməz min dilək
vaxtsiz dərman yersiz dua nə gərək
yerli olan düz qarğişi sevirəm
zəhləm gedir boş vədədən qərardan
həyasiz insandan vəfasiz yardan
karima gəlməyən dölətdən vardan
dərdimə yariyan daşi sevirəm
azğinçidan ((sirdaş)) ağli dayazdan
ili bəd gətirmiş saralmiş yazdan
qaşqabağin tökmüş söyuq payizdan
hərdən gülümsəyən qişi sevirəm