اوزون ایستگی‌ایله-
اوزاق اوفوقده-
یویور ساچلارینی،
قان دنیزینده.
تئلینی چیرپاراق،
چیله‌نیر گویه،
قانلی دالغالاردان-
قانلی شوعالار.
باتماییب هله‌ده-
ایتمه‌ییب گؤزدن.
قانلی دؤیوشده‌دیر،
او . . .
گونش قیزی…
……………………
. 29 )
uzun istəgi ilə -
uzaq üfüqdə –
yuyur saçlarını ,
qan dənizində .
çırparaq telini ,
çilənir göyə , qanlı dalğalardan –
qanli şüa`lar .
batmayıb hələ də -
itməeyib gözdən .
qanlı döyüşdədir ,
O…!
günəş qızı .!
………………
قایناق: شاعیرین اؤز وبلاگی http://www.golargoja.blogfa.com/
سنله یاشاییرام، سنینله وارام
حیات پیکریمه، گوز آنا دیلیم
سنسن اسکی گونوم، گله جه ییمده
یابانجی سوزلره، دوز آنا دیلیم
حیات اینجه لیین، گول بوداغیندا
شیرین نغمه لری، یار دوداغیندا
شعیر چیچکلرین، موغام باغیندا
سویله سن سئویملی سوز آنا دیلیم
یالتاقلیق قوخوسو، سنه چاتماسین
قارشی چیخ یاساغا، حاققین باتماسین
ائله آرخالان کی، سنی آتماسین
صنعت دریاسیندا، اوز آنا دیلیم
سمادان گئنیش سن، دنیزدن درین
گاهدان آتش کیمی، گاهدان دا سرین
یوکسه لیر سنینله ایگیدین، ارین
بیر گون قور ائده جک کوز، آنادیلیم
کور اولسون خور باخان گوزلری سنه
دوشمه سین وارلیغین دومانا- چنه
سئوگیلیم بیرلیکده دئیه ک وطنه
یاشاسین ائل اوبام، اوز آنا دیلیم
سویله دردیمیزی، تاپ درمانیندا
گووه نک قوی سنه، ائللر یانیندا
قورقود دده میزین دئنن شانیندا
آشیقلار سازیندا، سوز آنادیلیم
عصیرلردن باشدا بیزه ساری باخ
دوستلاری سئویندیر، دوشمنلری یاخ
آفاقا یاییلیب زنگین لییین باخ
اینجی لر مصراعدا، دوز آنا دیلیم
فریبا ابراهیمی (آفاق)
قایناق http://xanturkoglu.blogfa.com/
تلفون
قولاغیم سسده دیر گوز اس ام اسده
سئوگی حرارتی تلفو نو مدادی
داها زنگ ائله میر بیر بویو بسته
سسی نین حسرتی تلفونومدادی
سحیرلی گوزلری سالدی اوسینا
دوشدو سئودا اودو سی پی یو سینا
هرزه دانیشمادی بیر آن او، سینا
عشقین صداقتی تلفونومدادی
هر گئجه ویبره ده او خلوتده دیر
دویماغا سسی نی یار یولون گودور
بیر سیگنال آلجاغین لاب یئری دیدیر
انتظار محنتی تلفونومدادی
سئوگی فضاسیندا آنتنی دولمور
ویروسا توتولوب زنگیده چالمیر
هی قاچیر الیمه جیبیم ده قالمیر
مجنون موصیبتی تلفونومدادی
تک اونا باغلاندی باخ بو دونیادا
داش اولدو اوره یی سالمادی یادا
وئردی عبث یئره شارژی نی بادا
بلاسی ،آفتی تلفونومدادی
وئردیگی سوزلری ایلقاری داندی
یاندی عشق اودونا آی سی سی یاندی
نه بیر نظر قیلدی نه ده کی قاندی
ساختا محببتی تلفونومدادی
بیر قارا یئل کیمی اسن دن سورا
سئوگی علاقه سین کسن دن سورا
گلیب باریشمادی کوسن دن سورا
گئچمیش حلاوتی تلفونومدادی
محببت دوشمه سه اوره گه گوزه
ال باشا چیرپیلار یاداکی دیزه
بیر بئله سئوگی نین نه خئیری بیزه؟
آلین بو عبرتی تلفونومدادی
سنین دیر اوره گیم هی دییه دییه
بیر سنه باغلانیر بش ده اوزگییه
گر دئسن اینانیم من نئجه ؟ نییه؟
یالانچی صوحبتی تلفونومدادی
گولوم
ساعات بیر اولدو گلمدین
باغریم یاریلدی گلمدین
دؤزوم یورولدو! گلمدین
گئجه‌م دؤندو ایله گولوم
یاتمامیشام هله گولوم
ایکی-یه ایشلییر ساعات
بیلیرم‌کی سن‌ده،قات-قات
سئوگی‌دن گوجلودور عیناد
بونو بیله-بیله گولوم
یاتمامیشام هله گولوم
عقربه‌لر اوچ-ه چاتیب
باخ شهر سوکوتا باتیب
سنین کیمی هامی یاتیب
یاتمامیشام هله گولوم
یاتمامیشام هله گولوم
ساعات دؤرد-ون یاریسی‌دیر
حسرتین منی سارسیدیر
بودا محبت درسی‌دیر
سیناق‌دایام بئله گولوم
یاتمامیشام هله گولوم
آرتیق ساعات بئش اولمادا
نئچه یاتاق بوشالمادا
سنین قلبین داش اولمادا
منه دؤزوم دیله گولوم
یاتمامیشام هله گولوم
"دمیرچی"