قیزمایاجاق او یاتاق!
سن
ایسته مه دین بوی آتاق...!
داها خوشدور
حایات سنسیز
ها
یات منسیز...


"پاشا موغانلی"

مثل دیر
"بیر اوره ک، مین آرزی"
آمما منده وار
بیر اوره ک
بیر دیلک!
گل ایکیمیز بیرلشک
بوی آت منده
بوی آت دوستوم
بویات دوستوم...

"پاشا موغانلی"

بو پاپاق
     بو سن
        بودا من!
گل دوز اولاق بو گوندن.
سن الیندن یاپیش
من اوره ییمدن...

پاشا موغانلی

شاعیر تانیتیمی

"پاشا موغانلی" تخللوصو ایله تانینان شاعیر محمد پاشاپور
-1368اینجی گونش ایلینین خزل آیینین 15اینجی گونونده، موغانین شاه تپه سی کندینده دونیایا گؤز آچدی.
- عائله نین اوچونجو اوشاغی اولارکن، سس سیز بیر اوشاقلیق عالمینده شعری سئوه سئوه بویا باشا چاتماغا آددیم آتیب و بیلیم یوردوندا تحصیل آلدی.
-گنج چاغیندان شعر یازماغا اوز گتیریب و 1391اینجی و 1395اینجی ایللرده آذربایجان فولکلورو اساسیندا اوشاقلار اوچون "جیرتدان"  و "آخماق تولکو" آدلی ایکی منظوم ناغیل کیتابی ایشیق اوزو گؤردو.