سانکی ساواش اوچاغینین بومبالاری یاییلدی جانیما...
سنسیزاولاندا...
سن،سیزاولاندا...!
م.پ "پاشا"
هله ده اؤزومـــــه گلممــــیشم من...
(نظیره)
گنجلیک مزاریندا یاتان "شهید ابوالفضل" قارداشیما ایتحاف، کی بیرلیکده عسگرلییه گئتدیک، من قوتاردیم، او سون گونون بیر دونیاینان دئییشدی...
وطن سرحدینده عسگرلیک ائتدین
سونونجو گونونده دونیادان گئتدین
بیر آندا گؤزومدن عؤمورلوک ایتدین
سن گئدندن بری گولممــــیشم من
هله ده اؤزومــــه گلممــــیشم من
کؤچ ائتدین دونیادان، من اما قالدیم
کدرلندیم، غمــــی، تکلییی آلدیم
کئچمیــشی بیر آهلا یادیما سالدیم
آخان گؤز یاشیمی سیلممـیشم من
هله ده اؤزومـــه گلممـــــیشم من
کاش او گونلـــــــر بیرده تکرار اولوردو
قلبیم گول تک آچیب یئنه سولوردو
بو حسرتده قالان گــــؤزوم دولوردو
درین سوکــوتومو بؤلممـــیشم من
هله ده اؤزومــه گلممــــــیشم من
بیلمیردیم ویصالا او گون چاتیــــرسان
وفاسیــــز دونیانین داشین آتیرسان
گنــــجلیک مزاریندا راحات یاتیرسان
او چاغدان کی دئدین اؤلممیشم من
هله ده اؤزومــــه گلممــــــیشم من
سن گئتدین امما چوخ سؤزوم وار سنه
کئچیـــر گونون بیری، دوز بیر ایل منه
اورکـــدن بو ســـؤزو دئییرم یئــــنه
هله ده اؤزومـــــه گلممــــــیشم من
هله ده اؤزومـــــه گلممــــــیشم من
"محمد پاشاپور"( #پاشا_موغانلی)
۱۳۹۰/۹/۲۱
#شعر_اوجاغی
@text_turk
دئپرم سالدین ایچیمه
سئوگی می آپارارکن....
سسین هله ده قولاغیمدادیر!
خسته خانانین یاردیم ماشینی...
"پاشـــــا"
شاعیر تانیتیمی
"پاشا موغانلی" تخللوصو ایله تانینان شاعیر محمد پاشاپور
-1368اینجی گونش ایلینین خزل آیینین 15اینجی گونونده، موغانین شاه تپه سی کندینده دونیایا گؤز آچدی.
- عائله نین اوچونجو اوشاغی اولارکن، سس سیز بیر اوشاقلیق عالمینده شعری سئوه سئوه بویا باشا چاتماغا آددیم آتیب و بیلیم یوردوندا تحصیل آلدی.
-گنج چاغیندان شعر یازماغا اوز گتیریب و 1391اینجی و 1395اینجی ایللرده آذربایجان فولکلورو اساسیندا اوشاقلار اوچون "جیرتدان" و "آخماق تولکو" آدلی ایکی منظوم ناغیل کیتابی ایشیق اوزو گؤردو.