یاد ائیله گولوم سن منی سئودالی گئجه مده
پروانه اولوم حوسنونه شیدالی گئجه مده
آچ لبلرینی غنچه کیمین گول، گوله کؤنلوم
روحوم دیریله بلکه مسیحایی گئجه مده
سنسیز یوخومو سن بیلیسن عرشه چکیلمیش
بیر ایچکی کیمی مست ائله رؤیالی گئجه مده
دونیا منه زندانه دؤنوبدو نئجه سنسیز
گل گؤر غمی بوسینه ده غوغالی گئجه مده
رخساره ولی ائتمه قارا تئللری افشان
تاریک ائله مه بختیمی یلدالی گئجه مده
تکفیر ائله مز عاشقینی زاهد خود بین
گؤسترسن اوزون بیر دؤنه احیالی گئجه مده
مجنونوداکی لیلی غمی چؤللره سالمیش
گل سالما چؤله سن منی لیلالی گئجه مده
سرمد سنه واله اولالی عقلیدن اولموش
گل همدم اولاق منله بو خولیالی گئجه مده
تکفیر ائله مز عاشقینی زاهد خود بین
گؤسترسن اوزون بیر دؤنه احیالی گئجه مده
مجنونوداکی لیلی غمی چؤللره سالمیش
گل سالما چؤله سن منی لیلالی گئجه مده
سرمد سنه واله اولالی عقلیدن اولموش
گل همدم اولاق منله بو خولیالی گئجه مده