یانمیشام هجران اودیلا بی وفا سن بیلمه دین
طعنه لر وئرمیش رقیبیم ناروا سن بیلمه دین
عشق درسین اؤرگشندن مین بلالر چکمیشم
دل بلا، دلبر بلا، عشقیم بلا، سن بیلمه دین
بی وفا لیقلار گؤرندن آشنادن کوسموشم
سن دئمه بیگانه لر میش آشنا سن بیلمه دین
نئیله ییم عؤمروم توکندی غصه غمسیز اولمادیم
همدمیم کی درد اولوبدور مونس نوا سن بیلمه دین
گؤز یاشیم امداد ائدر هردن اونون مدیونیم
خلوتیم چون ائیله ییر چوخ با صفا سن بیلمه دین
او سببدندیر اوپوب هر قطره سین من بوشلارام
اولمایا مندن اودا باری جدا سن بیلمه دین
روزگارین ساز ناسازین دئنن سرمد کئچیب
کوکله مه ک قصدینده یم بوندان صورا سن بیلمه دین