قورخولو بیر سیرر دئییرم:
چوخداندیر کی ، بیر آرزیم وار ،
اوغرو اولماق ایسته ییرم!…
اینسانلارین آراسیندان
عقیده سیز آداملاری
ویجدانینی پولا ساتان
نادانلاری
اوغورلاماق ایسته ییرم
بو تورپاغین گوندن-گونه
نییه آرتیر دردی-سری…
دؤولتلرین آراسیندان سرحدلری
اوغورلاماق ایسته ییرم
آخی، نه ایش گؤرموشم کی،
اوغورلوق دا ایشدی باری.
من آنامین صیفتینه
واختسیز دوشموش قیریشلاری
اوغورلاماق ایسته ییرم!
بیریسینی ییخماق اوچون
ایکیسی نین اولفتینی،
اینسانلارین اورگیندن
هر کینینی، نیفرتینی،
یالانینی بوندان اونا،
اوندان بونا ساتانلاری،
ایکی سئون آراسیندان
او اوچونجو آداملاری
اوغورلاماق ایسته ییرم!
آراز آخیر…
او تایدان دا اینسان باخیر،
بو تایدان دا اینسان باخیر،
نئچه میلیون گؤزویاشلی عزیزیمی،
او حسرتلی تبریزیمی
اوغورلاماق ایسته ییرم!
ایندی نئچه دؤولتلردن
مظلوملارین آه-زارینی،
یاد تورپاقدا یاتیب قالان،
عصرلرین آرخاسیندان
قوللارینی چاتیب قالان
کربلادان فوضولی نین،
حلب دنسه نسیمی نین مزارینی
اوغورلاماق ایسته ییرم!
نه گیزله ده ک، بیلیر هامی
تونقال قاتیب یاندیریرلار
بو جاهانی.
قلبیم دئییر:
" بیر آذری مثلینی یادینا سال:
" اوغرودان-اوغرویا حالال… "
پرومئتئی اوغورلاییب
اینسانلارا وئرن اودو
اوغورلاماق ایسته ییرم!
لاپ غضبی توتسا بئله
یئرین منه، گؤیون منه
نه دئییرسیز، دئیین منه
اوغرو اولماق ایسته ییرم!! اوغرو اولماق ایسته ییرم !! دوغرو اولماق ایسته ییرم!!!
نصرت کسمنلی
!Oğru olmaq istəyirəm
Qoy polislər eşitməsin,
Qorxulu bir sirr deyirəm:
Çoxdandir ki, bir arzım var,
Oğru olmaq istəyirəm!…
İnsanların arasından
Əqidəsiz adamları,
Vicdanını pula satan
nadanları
Oğurlamaqistəyirəm
Bu torpağın gündən-günə
Niyə artır dərdi-səri…
Dövlətlərin arasından sərhədləri
Oğurlamaq istəyirəm
Axı, nə iş görmüşəm ki,
Oğurluq da işdi barı.
Mən anamın sifətinə
Vaxtsız düşmüş qırışları
Oğurlamaq istəyirəm!
Birisini yıxmaq üçün
İkisinin ülfətini,
İnsanların ürəyindən
Hər kinini, nifrətini,
Yalanını bundan ona,
Ondan buna satanları,
İki sevən arasından
O üçüncü adamları
Oğurlamaq istəyirəm!
Araz axır…
O taydan da insan baxır,
Bu taydan da insan baxır,
Neçə milyon gözüyaşlı əzizimi,
O həsrətli Təbrizimi
Oğurlamaq istəyirəm!
İndi neçə dövlətlərdən
Məzlumların ah-zarını,
Yad torpaqda yatıb qalan,
Əsrlərin arxasından
Qollarını çatıb qalan
Kərbəladan Füzulinin,
Hələbdənsə Nəsiminin məzarını
Oğurlamaq istəyirəm!
Nə gizlədək, bilir hamı
Tonqal qatıb yandırırlar
bu cahanı.
Qəlbim deyir:
“Bir azəri məsəlini yadina sal:
“Oğrudan-oğruya halal…”
Prometey oğurlayıb
İnsanlara verən odu
Oğurlamaq istəyirəm!
Lap qəzəbi tutsa belə
Yerin mənə, göyün mənə
Nə deyirsiz, deyin mənə
Oğru olmaq istəyirəm!! Oğru olmaq istəyimlə doğru olmaq istəyirəm!!!
Nüsrət kəsəmənli.