درسه گیدن بیر اوشاق
چیقدی بوز اوسته قوچاق
سوروشدی بیردن بیره
دوشدو اوز اوسته یئره
دوردی اوشاق نیله دی؟
بوزا بئله سویله دی:
سن نه یامانسان آ بوز؟
آدام ییخانسان آ بوز !
آز قالوب عمرون سنین،
یاز گله ر آرتار غمون:
ارییوب سویا دونه رسن،
آخیب چایا گیده رسن !
گل-گل آیاز گونلری
ایلیک عزیز گونلری!
داغدا اریت قارلاری
باغدا اریت قارلاری
چایلار داشوب سیل اولسون
تاخیل لار تیل-تیل اولسون
آغاجلار آچسین چیچک
یاپراغی لیچک-لیچک
(میرزا علی اکبر صابیر)