-اکبر اقراری دمیرچی
-1350
-موغاندا آنادان اولوب، الاندا موغاندا یاشاییر
-تبریزده تجربی ریشته سی بیتیریب.
-موعللیم لیک پئشه سیله مشغولدولار
"گولوم" آدلی بیر گؤزل شئعیرین آردی دا اوخویا بیلرسیز.
گولوم
ساعات بیر اولدو گلمدین
باغریم یاریلدی گلمدین
دؤزوم یورولدو! گلمدین
گئجه‌م دؤندو ایله گولوم
یاتمامیشام هله گولوم
ایکی-یه ایشلییر ساعات
بیلیرم‌کی سن‌ده،قات-قات
سئوگی‌دن گوجلودور عیناد
بونو بیله-بیله گولوم
یاتمامیشام هله گولوم
عقربه‌لر اوچ-ه چاتیب
باخ شهر سوکوتا باتیب
سنین کیمی هامی یاتیب
یاتمامیشام هله گولوم
یاتمامیشام هله گولوم
ساعات دؤرد-ون یاریسی‌دیر
حسرتین منی سارسیدیر
بودا محبت درسی‌دیر
سیناق‌دایام بئله گولوم
یاتمامیشام هله گولوم
آرتیق ساعات بئش اولمادا
نئچه یاتاق بوشالمادا
سنین قلبین داش اولمادا
منه دؤزوم دیله گولوم
یاتمامیشام هله گولوم
"دمیرچی"قایناق:شاعیرین اؤز وبلاگی
http://bulag.blogfa.com/