باش آچمادیم عومروم بویو من یازیخ
ابلیسیندن، ملگییندن دونیانین
آدم ساتدی بیر آلمایا جنّتی،
تورا دوشدو کلگیندن دونیانین.
نه گؤزلدیر، اوره ک گئنیش، سؤز آچیق
یاشامادیم بیر سئودامی یاریمچیق
عذاب آدلی دییرماندان نارین چیخ،
کئچه جکسن الگییندن دونیانین
کئچه جکسن الگییندن دونیانین
آرزوم اوچون بیر مله ین جویوردوم،
او تپه دن بو تپه یه یویوردوم.
نییه قورخوم کفنیندن ؟نه گؤردوم
بئشیگیندن، بلگیندن دونیانین ؟
بیر اوزوموز اوزوموزدن اوج آلدیق
اوتن گونه گلن گونو باج آلدیق
عومروموزون یاریسیندا قوجالدیق
شیلله سیندن کوتگیندن دونیانین
کونول اوزگون خیال کوسگون دربه در
اوزون سوئیله ظلم اولارمی بوقدر؟
یئدکله ئیب آراحاسینجا سورودر
برک یاپیشان اتگیندن دونیانین
کونول دوشدو مین آرزونون ایزینه
بیلممه دیک اگریسی نه دوزو نه
ایندی کفن توخویوروق اوزونه
اوز گولوندن چیچگیندن دونیانین
بختیاروهابزاده