پاییز گلینی...
سطیر-سطیر دویغولاریندان، دوغولورشعریم؛
و واراق‌لارا هوپموش ایستی نفسیندن .
اللرین…
عطیرلی سطیرلرین معماری ،
و قیفیل‌لانمیش کئفیمیزین آچاری.
گؤزلرین...
شهرین بوینو بوکولموش چیراغلاری!
یاناغین...
اوچ آلمالیق باغچا -
اوپوشدور دوداغیندا حرف‌لری
دوغولسون‌کلمه‌لر !
بوی آتسین کورپه اینام‌لار
پوئیزیامیزین پاییز گلینی
شعرین -
گوزو باسیلمیش نغمه لرین نفسی ،
و قارا-قانچیل دیلک‌لرین سیزیلتیسی.
اوخشا شعرینی...
آغلا شعرینی ...،
دیلیم،دیلیم دوغرا شعرینی ...!
گویه رسین توپراقدان دیلیم،دیلیم "دیلیم"
رسول آرانلی
شاعیر تانیتیمی رسول آرانلی 
رسول آرانلی
شاعیر و ژورنالیست
1345 اینجی ایلده موغانین پارس آباد شعرینده آنادان اولوب.
""""""""""""""""""""""""""""
اوشاق ایکن آنام منه منظوم ناغیل و شعرلری سویله ییب.
اوچاغدان شعر و ادبیاتا ا ماراغلانمیشام. (آرانلی)