باجارمیرام یاشاماغی...
بو حیاتین سیرداشییام
انام دوغوب غم داشییام
گورن دئییر من ناشییام
باجارمیرام یاشاماغی
نه سه واردیر اوره گیمده
الیم دا وار کله گیمده
نر گوجو وار بیله گیمده
باجار میرام یاشاماغی
گاه تنبلم گاه چالیشان
گاه سونوکن گاه الیشان
گاه کوسه گن گاه باریشان
بارجار میرام یاشاماغی
هرکیم کوسه هرکیم سینا
اوخشامیرام ایریسینا
مین یول قینا مین یول سینا
باجارمیرام یاشاماغی
هرنه اولور اولسون دییه
بیرجانیم وار قوخوم نییه
قورخا قورخا سییه سییه
باجارمیرام یاشاماغی
گوره گوره بیله بیله
باخار "سید" گلمز دیله
قوی بیری ده اولسون بیله
باجارمیرام یاشاماغی
سیدجلیل حسینی (سید)