ســــن-
آغلاغانسان. . .!
داملا - داملا، گوز یاشینی،
قوش چایلارین آخارینا
گونش ایزی، نور دنیزی
هؤپسون دیه!
قوی توپراغین دامارینا.
. . .
آغـلا . . . !
آغـلا بولود.
یاشیلیق نامینـه.
* * *
و ســن-
آ ... هئــــــی!
بئینـی پامبوق، باشی جیققالی!
آلینـی نا،
گـون دوغارکـن،
گولوشو ساری،
گـؤیَــرَن.
گونش باتاندا-
باشینی اَیــَن . . . !
قارا، قاش - قاباخلی . . .!
گونه باخان!.
سئرچه دیمدئیی،
بویدا سیراوی ایچی بوش دنلیکلرین،
سئرچه لر یئمی.
هله ده! هــــر یئـل ایلــه،
سوفره بویدا پیلله - پیلله،
یاپراقلاریــن . . . . .
یئلله نیـر.
. . .
قیپ - قیرمیزی گیله‌لر دنله نیر.
قینلانیر یاغلی بیتگی‌لر دنی.
و آل لچکلی قیزیل گوللر،
اَلـَه نیـر.
شاباشلیق نامینـه.!
قایناق: http://www.golargoja.blogfa.com/