شعر اوجاغی

شاعیرلریمیزین بیوگرافی و شعرلری

فتح اله پناهی عربلی ( یار اشیدسین)

0 گؤروش
یازار:‌ شعر اوجاغی

 

    یار اشیدسین


دردیمی سازین دیلیندن

دییرم قوی یار اشیدسین

قیلدیغی ظولمون الیندن

احوالیمی زار اشیدسین

 

اوزگون اوزگون یانایانا

سیزیلدییم بلکه قانا

داها اولموشام دیوانا

یامان دردیم وار اشیدسین

 

بیله دونیا منه داردی

اوندا هله گوزوم واردی

وفاسیزدان یادگاردی

سینه مده داغلار اشیدسین

 

شیرین دیلین صحبتین دن

خومار گوزون فرقتین دن

عربلی یم حسرتین دن

گوزلریم آغلار اشیدسین


قایناق:http://arabli.arzublog.com/


آردینی اوخو
پنجشنبه 12 آذر 1394

فتح اله پناهی عربلی (عربلی )

0 گؤروش
یازار:‌ شعر اوجاغی




-فتح اله پناهی عربلی (عربلی)
-1351 ده پارسا آبادا تابع اولان تازه کنده دونیایا گؤز آچیب.
-حال حاضیردا پارساآباددا یاشاییر.
-فارس ادبیاتی ریشته سینده تبریزده درسین بیتیریب.
-الاندا موعللیم لیک پئشه سیله مشغولدور.

تانریدان بو گؤزل شاعیریمیزه اوزون عؤمور جان ساغلیغی دیله ییریک.

آردینی اوخو
پنجشنبه 22 مرداد 1394