عمرون چوخی گئدیب آزی قالیبدی
قیشی ائوتوب گچیب یازی قالیبدی
سینمده یازمالی یازی قالیبدی
بیر اوغول گزیرم یازا دردیمی بیراوغلان یوخدی کی یازا دردیمی؟!
یوخولار گورورم قاتما قاریشیق
یوخولارین الینده چاشیب قالمشیق
دئیرم نولار بیر غملی عاشیق
کوچورده اوش تللی سازا دردیمی بیراوغلان یوخدی کی یازا دردیمی؟!
گونده بیر دون گئیر بو ظالم فلک
دوزور هر آغریا آجیا ائورک
دئیرم آی عیواض نه اولار بوفلک
گوتوره قلمی پوزا دردیمی ! بیراوغلان یوخدی کی یازا دردیمی ؟!
یئتیم عیواض
من دونیادان کئوچ ایله ئیب گدن ده ناله چکر اوقایالار اوداشلار بودونیادان کئوچمه گیمی بیلنده غریب سیه ر نچه دوسلار سیرداشلار من دونیادان کئوچ ایله ئیب گدن ده بولاغلاردا سیزیم سیزیم سیزیلدار بودونیادان کئوچمه گیمی بیلنده گوز یاشینی لیسان ایلر بولوتلار من دونیادان کئوچ ایله ئیب گدن ده قیزیل گولده شاخه له نیب آچانماز بودونیادان کئوچمه گیمی بیلنده قره نفیل ده ائوز عطرینی ساچانماز من دونیادان کئوچ ایله ئیب گدن ده یازیلاجاق نچه شعر " غزل لر بودونیادان کئوچمه گیمی بیلنده سینه سی داغلی قالار نازلی گوزل لر من دونیادان کئوچ ایله ئیب گدن ده نچه یئتیم " نچه یوخسول آز اولار بودونیادان کئوچمه گیمی بیلنده قارداش دئیب " ساچین یولار باجیلار من دونیادان کئوچ ایله ئیب گدن ده ایلمک لرین دویون سالار حانالار بودونیادان کئوچمه گیمی بیلنده اوغول دئیب هاری سالار آنالار قویما گیلن بیر گول تکی سولوخوم شاختا وورسون آیازوورسون چاریخیم قویما منی او دونیاده داریخیم سنده کئوچ گل" عیواض کوچوب گدن ده
خئیری آزالیب، شری چوخالیر
قیمتلیلر دوءشورلر قیمتیندن
گؤن قیمته مینیر، دری چوخالیر
ائله بیل غم یاغیب قایایا- داغا
کؤنوللر حسرتدیر، وصال تاپماغا
عالملر- عاقللر گلمیر قاباغا
باشدان-خاراب آرتیب، دلی چوخالیر
انسانی یاشادار، دایم آرزولار
آرزوسوز، حیاتین نه معناسی وار
گؤرموشوک خانیمین بیر اری اولار
بعضی خانیملارین اری چوخالیر
چوخلاری بو شعری چتین کی، قانا
قانان دا قورخورام چئویره، دانا
منیم یازیغیم گلیر آذربایجانا
قانینی سوووران زلی چوخالیر
هر شئیین قیمتین اوءستونه یازین
نه فرقی دمیرین، گوءموشون، آلماسین
سندن سوروشسالار دئ کی، عیواضین
قالا آلتیندا درد- سری چوخالیر
یتیم عیواض
آیریلیق
گئجه‌لر فیکریندن یاتا بیلمــیره‌م
بۇ فیکری باشێمدان آتا بیلمیره‌م
نئینه‌ییم کی سنه چاتا بیلمیره‌م
آیرێلێق - آیرێلێق آمـــان آیرێلێق
هر بیر درددن اوْلار یامـان آیرێلێق
اۇزۇندور هیجریندن قارا گئجه‌لر
بیلمیره‌م من گئدیم هارا گئجه‌لر
وۇروبــــدور قلبیمه یارا گئجه‌لـر
آیرێلێق - آیرێلێق آمـــان آیرێلێق
هر بیر درددن اولار یامـــان آیرێلێق
یادیما دوشنده آلا گوزلرین
گویده اولدوزلاردان آلام خبرین
نئیله ییم کسیبدیر مندن نظرین
آیریلیق، آیریلیق ، آمان آیریلیق
هر بیر درددن اولار یامان آیریلیق
آیریلیق دردینی چکمه ین بیلمز
یاردان آیری دوشن گوز یاشین سیلمز
دئییرلر اینتظار خسته سی اولمز
آیریلیق، آیریلیق ، آمان آیریلیق
هر بیر درددن اولار یامان آیریلیق
نئجه کی ائلیمدن آیری دوشندن
سورار بیربیرینی گوروب بیلندن
حسرتله سیزلار یار داییم بو غمدن
آیریلیق، آیریلیق ، آمان آیریلیق
هر بیر درددن اولار یامان آیریلیق
ایل لردی اوزاقام آرخام ائلیم دن
بلبلم دوشموشم آیری گولوم دن
جور ایله آییریب شیرین دلیم دن
آیریلیق، آیریلیق ، آمان آیریلیق
هر بیر درددن اولار یامان آیریلیق
اوولوبدور بیگانه یاریم_ یولداشیم
غریبه ساییلیر سئوگیم – سیرداشیم
بوجاوان چاقیمدا آغاریب باشیم
آیریلیق، آیریلیق ، آمان آیریلیق
هر بیر درددن اولار یامان آیریلیق
منی آغلاداندان گولوش ایسته رم
آیری دوشنیمله گوروش ایسته رم
حصاری ییخماقا یوروش ایسته رم
آیریلیق، آیریلیق ، آمان آیریلیق
هر بیر درددن اولار یامان آیریلیق
سئوگیلیک اولوبدور شانی فرهادین
سئوگی سی هاردادیر ،هانی فرهادین
دییه ره ک چیخاجاق جانی فرهادین
آیریلیق، آیریلیق ، آمان آیریلیق
هر بیر درددن اولار یامان آیریلیق
(فرهاد ابراهیمی)
آی اینصافسیز بو آیریلیق سونونا
اول- آخیر چیخمالییدی، چیخدی دا.
گؤز یاشلارین، دردین، غمین، مؤحنه تین
اللریمی سیخمالییدی، سیخدی دا.
***
درد میلیوندو دء هانسینی قالدیریم؟
هر پارچاسی دونیا بویادا سیلدیریم
بو حسرتدن باشیم اوسته ایلدیریم،
گؤیده شیمشک چاخمالییدی، چاخدی دا.
***
سسله دئییم او عدالت، حاقق هانی؟
اوچورمایا بو موقددس دونیانی
گؤزلریمین، اوره ییمین آل قانی
کیپریییمدن آخمالییدی، آخدی دا.
***
ائله سردی بالینجینی بو حسرت
بالا قاتدی هر آجینی بو حسرت
ووصال آدلی قیلینجینی بو حسرت
اوره ییمه تاخمالییدی، تاخدی دا.
***
سنین کی دیر بو ایضطیراب، بو جزا
غم قوینوندا عؤمور وئردیم گودازا
«آلقایید» ام بو آیریلیق، بو قضا
بیر گون منی ییخمالییدی، ییخدی دا.
(آلقایید)
