-1346.
-پارسآباد شهرینین تازه کند کندینده دوغولدو.
-تبریزین بیلیم یوردوندا حرفه و فن بیتیریب.
-بو چاغ پارسآباددا یاشاییر.
- موعللیم لیک پئشه سیله مشغولدور.
تلفون
قولاغیم سسده دیر گوز اس ام اسده
سئوگی حرارتی تلفو نو مدادی
داها زنگ ائله میر بیر بویو بسته
سسی نین حسرتی تلفونومدادی
سحیرلی گوزلری سالدی اوسینا
دوشدو سئودا اودو سی پی یو سینا
هرزه دانیشمادی بیر آن او، سینا
عشقین صداقتی تلفونومدادی
هر گئجه ویبره ده او خلوتده دیر
دویماغا سسی نی یار یولون گودور
بیر سیگنال آلجاغین لاب یئری دیدیر
انتظار محنتی تلفونومدادی
سئوگی فضاسیندا آنتنی دولمور
ویروسا توتولوب زنگیده چالمیر
هی قاچیر الیمه جیبیم ده قالمیر
مجنون موصیبتی تلفونومدادی
تک اونا باغلاندی باخ بو دونیادا
داش اولدو اوره یی سالمادی یادا
وئردی عبث یئره شارژی نی بادا
بلاسی ،آفتی تلفونومدادی
وئردیگی سوزلری ایلقاری داندی
یاندی عشق اودونا آی سی سی یاندی
نه بیر نظر قیلدی نه ده کی قاندی
ساختا محببتی تلفونومدادی
بیر قارا یئل کیمی اسن دن سورا
سئوگی علاقه سین کسن دن سورا
گلیب باریشمادی کوسن دن سورا
گئچمیش حلاوتی تلفونومدادی
محببت دوشمه سه اوره گه گوزه
ال باشا چیرپیلار یاداکی دیزه
بیر بئله سئوگی نین نه خئیری بیزه؟
آلین بو عبرتی تلفونومدادی
سنین دیر اوره گیم هی دییه دییه
بیر سنه باغلانیر بش ده اوزگییه
گر دئسن اینانیم من نئجه ؟ نییه؟
یالانچی صوحبتی تلفونومدادی
(عربلی)
قایناق: شاعیرین اؤز وبلاگی http://arabli.arzublog.com/
-1351 ده پارسا آبادا تابع اولان تازه کنده دونیایا گؤز آچیب.
-حال حاضیردا پارساآباددا یاشاییر.
-فارس ادبیاتی ریشته سینده تبریزده درسین بیتیریب.
-الاندا موعللیم لیک پئشه سیله مشغولدور.
-الاندا موعللیم لیک پئشه سیله مشغولدور.
تانریدان بو گؤزل شاعیریمیزه اوزون عؤمور جان ساغلیغی دیله ییریک.
(شعریم)
هارداندیر جانینین . بو اؤشوتمه سی.!!.؟
نه دیر ایچینده کی بو هورکو شعریم.!!؟
قورخورسان کی اولار دوشر دوشمه زی.؟
اینینه چکیبسن بو کورکو. شعریم.؟
چوخداندیر تیتره ییب اسیر سن نییه.!!؟
بیلمیرسن..؟ سن بئله اسیرسن نییه.!؟
هردن اؤز اؤزوندن کوسورسن نییه..!؟
هله. قورویورسان بو گؤرکو . شعریم.!؟
سوغان تک قابیغی سویولان اولدون.!!
گئجه گوندوز گؤزو. اویولان اولدون.!!
یاد اللرده لاغا . قویولان اولدون.!!
کیم قویدو باشینا . بو بؤرکو شعریم.!!
(موغان اوغلو) یئنه.! ائیشه باخ دئییر.!!
قارتالا قجه له . یاپالاق دئییر.!!
دوشونمور هله کی . چوخ آخماق دئییر.!!
بو تورکدوور.!؟ تانیمیر بوتورکوشعریم..!؟
(şerim)
?!.Hardandir caninin bu üşdməsi
?!.Nədir içindəki.bu hürkü şerim
?.Qorxursanki ola düşər düşməzi
?!.əyninə çəkibsən bu kürku şerim
?!.çoxdandir titrəyib.əsirsən niyə
?!.bilmirsən sən belə.əsirsən.niyə
?!.hərdən öz özündən küsürsən niyə
?!.belə qoruyursan bu görku şerim
!!.soğantək qabiği soyulan oldun
!!.gecə gündüz gözu.oyulan oldun
!!.yad əllərdə lağa qoyulan oldun
?!.kim qoydu başina.bu börku şerim
!!.muğanoğlu) yenə.!! işə bax deyir
!!.Qartala qəcələ .yapalaq deyir
!!.Düşünmür hələki.çox axmaq deyir
?!.Buturkdur.!?tanimir bu turku şerim
قایناق شاعیرین اؤز وبلاگی http://muqhanoqhlo.blogfa.com/
بو دوٍنیانین کؤرپوسوندن گلن کئچیر بیر به بیر
عارف اولان یاخشی- پیسی گؤرور، سئچیر بیر به بیر
گوٍجو اولان، واری اولان سینه سینه دؤیمه سین
دوٍنیاگیرلر اجل جامین آلیب ایچیر بیر به بیر
ملک الموت یارانانین جانین بیر گوٍن آلاجاق
فلک اؤزو ظولوموکاری ظولم آتیندان سالاجاق
هر اینساندان بیر یاخشیلیق، بیر یامانلیق قالاجاق
بورا بیر کاروان سارادیر چاتان کؤچور بیر به بیر
اینسان اولان اَیری یولو گئدیب اؤزون یورماسین
ظالیملره آرخا اولوب مظلوملاری وورماسین
(موغان اوغلو)، بشر گرَ‌ک ظوٍلمه بنا قورماسین
ظولم الیله تیکیلنلر اؤزو اوچور بیر به بیر
>>>>>>>>>><<<<<<<<<<<
bir bə bir
bu düvٍnyanın körpüsündən gələn keçir bir bə bir
arif olan yaxşı - pisi görür , seçir bir bə bir
gücu olan , varı olan sinəsinə döyməsin
cahangırlər əcəl camın alıb ıçır bir bə bir
məlkəlmot yarananın canın bir güٍn alacaq
fəlk özü zulumkarı zülm atından salacaq
hər ınsandan bir yaxşılıq , bir yamanlıq qalacaq
bura bir karvansaradır çatan köçür bir bə bir
ınsan olan əyri yolu gedib özün yurmasın
zalimlara arxa olub məzlumları vurmasın
( muğan oğlu ) bəşər gərək zülmə bəna qurmasın
zülm əlilə tikilənlər özü uçur bir bə bir
قایناق شاعیرین اؤز وبلاگی http://muqhanoqhlo.blogfa.com/